وەزارەت کاروبار دەسکەێدە مەرەقەزکردن مووچەی کۆمەڵایەتی و کراکارەیل خانەنشین

شەفەق نیوز ــ بەغدا

وەزارەت کاروبار کۆمەڵایەتی، ئمڕوو یەکشەممە، راگەیان دەسکەێدە خەرجکردن  دەسمیەتی کۆمەڵایەتیەیل مانگ ئاب ئەرا ئەو خێزانەیلە کە لە بەغدا و پارێزگایەیل گرێدەیانەو، کە شمارەیان دوو ملیۆن و  و(97) هەزار و(225) خێزانە، کوو گشتی  (452) مليار دينار عراقی رەدکەێد.

وەزارەتەگە لە بەیاننامەیگ رەسیە ئاژانس شەفەق نیوز داوا لە خێزانە سوودمەنەیل کەێد سەردان ITM مەیل بکەن ئەرا وەرگردن دەسمیەتیەگە.

لەلایگیش، دەسەی پاراستن کۆمەڵایەتی ئاشکرایکرد، شمارەی ئەو خێزانەیلە وەلایەن پیایەیل پاڵپشتیکریانە زیاترن لە یەک ملیۆن و (520) هەزار خێزان، و وە بڕ  (364) مليار دينار، و شمارەی ئەو خێزانەیلە ژن پاڵپشتیکەێد زیاترە لە  (576) هەزار خێزان، بڕەگەی زیاترە لە   (87) ملیار دینار.

هەمیش، وەزارەت کاروبار کۆمەڵایەتی  راگەیان مووچەی مانگ ئاب 2025 کراکارەیل خانەنشینکریاگ  لە بەغدا و پارێزگایەیل لە ساعەت دوانزەی نیمەرووی ئمڕوو دەسکرێدە  مەرەقەزکردنی.

فەرمانگەی خانەنشینی و مسۆگەرکردن کۆمەڵایەتی کراکارەیل دووپاتکرد، فەرمانگەگە گشت رێکارەیل هەوەجەکریاگ وە مەرەقەزکردن مووچە تەواوکردیە، هەوەجەکەێد خانەنشینەیل سەردان ITM بکەن ئەرا وەرگردن شایستە داریەیلیان.