وە 11 گولە کوشیاس.. پەیاکردن تەرم بازیکەریگ تووپان لە میسان
شەفەق نيوز- ميسان
سەرچەوەیگ ئەمنی لە پارێزگای میسان، ئمڕوو جمعه، خەوەردا لە پەیاکردن تەرم بازیکەریگ تووپان لە یانەی وەرزشی عمارە، وە 11 فیشەک کوشیاس.
سەرچەوەگە ئەرا ئاژانس شەفەق نیوز وت: هیزیگ ئەمنی لە پولیس میسان، تەرم بازیکەریگ تووپان لە یانەی وەرزشی عمارە پەیا کرد وە 11 گولە کوشیاس، دیاری کرد کە تەرمەگە لەبان ری نییە لە باکوور عمارە پەیا کریا، و لێکۆڵینەوە ئەرا رەسین وە بندروس رویداوەگە واز کریا.
هەرلیوا، فەرماندەیی پولیس پارێزگای میسان، دەسگیرکردن سێ توومەتبار لە شوین کوشتن یەکیگ لە هاوڵاتیەیل لە ناوچەی سەید نوور راگەیان.
فەرماندەییەگە لە بەیاننامەیگ رەسیە ئاژانس شەفەق نیوز وت: لە بنەمای ئەو خەوەرەیلە کە ئەرای رەسین لەباوەت تەرمیگ لە ناوچەیگ چووڵ، و لەدویای زانیاریەیل هەواڵگری، تیمیگ کارکردن لە بەش پولیس کەرامە دروس کریا تا وەرەو شوین رویداوەگە بچن.
وتیش: تیمەگە وە وەخت کوڵیگ کەمتر لە سێ ساعەت رەسیە دیاریکردن ناسنامەی تاوانکارەیل و شوینیان کردەدی، و دویای وەرگردن مووڵەت دادوەری دەسگیریان کردن.
