هشکەساڵی سامان ماسی لەناودەێد.. زیانیگ گەورە و داوەزیان بەرهەم
شەفەق نیوز - بەغداد
ئەیاد ئەلتالیبی سەرۆکی کۆمەڵەی بەرهەمهاورەیل ماسی عراق، ئمڕوو چوارشەممە ئەو زیان فرە ئاشکرا کرد کە وەمدوو کەمی ئاو و بەرزەوبوین پلەی گەرمی تویش ئیوەتکەرەیل ماسی هاوردگە. وتیش: بەرهەمهاوردن وەڕیژەی زیاتر لە 50% داوەزیاس، و حکومەت دەسکردیە وە گامەیلی ئەرا ڕزگارکردن کەرتەگە لە ری سیستەم مۆدێرن ئیوەتکردن ماسی.
تالیبی ئەرا ئاژانسی شەفەق نیوز وت "ئەو پەککەفتنە لەوەر کەمی تەکان ئاو لە وەزارەت سامانەیل ئاو دروسبویە، هیشت وەزارەتەگە شمارەی دەرچەی ئاو ئەرا کێڵگەیل ماسی کەمەو بکەێد، یەیش بویە مدوو داوەزیان وەرچەویگ لە ئیوەتکردن ماسی".
دیاریکرد کە "وەزارەتەگە دەسکردگە وە پڕکردن شمارەیگ لە جووەیل کە ئەرا ئاو کێڵگە ماسیییەیل وەکارهاتنە وەتایبەتی ئەوانەگ گریەدارن وە پڕۆژەی چەم سێیەمەو، و ەە دەسدرویژی زانیانە، یەیش قەیرانەگە زیاتر کرد لەشان بەرزەوبوین پلەی گەرمی".
ئەلتالیبی وتیش: "ئەو رەوش سەختە بویەسە مدوو مردارەوبوین سەدان تۆن ماسی لە کێڵگە مووڵەتدارەیل فەرمی، لە ئەنجام زیان وە ملیۆنا دینار مەزەنە کریەێد و شمارەیگ پڕۆژە ناچاربوین کارەیلیان بووسنن". وتیش: "ئەو فشارە لەبان بەرهەمهاوردن دروسبویە، کاریگەری لەبان نرخەیل داشت، مە ماسی لە بازاڕەیل وە نرخیگ کەمتر لە ئاسایی پیشکەش کریەن". وتیش: "ئەمینداریەتی گشتی ئەنجومەن وەزیرەیل دەسەیگ هاوبەش وە هاوکاری وەزارەتەیل سەرچەوەیل ئاو و دارایی و کۆمەڵەی بەرهەمهاوردن ماسی دروس کرد ئەرا کارکردن لە پەرەپیدان سیستەم جینشین و سەردەمیانە".
