هاوسایەیل شکست وە پەلاماریگ تیارن وەبان ماڵ ئەفسەریگ لە زیقار

شەفەق نيوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە دەسگیرکردن سێ کەس هاتنە پەلامار ماڵیگ لە باشوور شار ناسریە بین لە ناوەند پارێزگاگە.

سەرچەوەگە ئەرا ئاژانس شەفەق نیوز وت: سێ کەس چەکدار خەڵک قەزای شەترە تەقەلا دانە بچنە ناو ماڵ ئەفسەریگ ئەمنی خەڵک ناحیەی عکێکە باشوور پارێزگای زیقار، وای هاوسایل ئەفسەرەگە زویوەزوی دەورەی ئەو کەسەیلە دان و دەسگیریان کردن.

 سەرچەوەگە دیاری کرد کە هیزەیل ئەمنی تاوانکارەیل لە خەڵکەگە وەرگردن، و ئەرا بنکەی پولیس بردنەیان تا لێکۆڵینەوە وەردیان بکەن.