هەڵەی پزشکی مەوقەی زایین گیان ژنیگ سینێد لەناو خەسەخانەیگ لە کەرکوک
شەفەق نيوز- كەركوك
سەرچەوەیگ پزشکی، ئمڕوو سێشەممە، خەوەردا لە مردن ظنبگ دووگیانی مەوقەی نەشتەرگەری زایین، لەناو خەسەخانەیگ تایبەت لە پارێزگاگە، لە ئەنجام هەڵەیگ پزشکی.
سەرچەوەگە ئەرا ئاژانس شەفەق نیوز وت: رویداوەگە مەوقەی نەشتەرگەری زایین قەیسەری بوی، کە یەکیگ لە خوینبەرەیلی بڕیا، وەشیوەیگ نەزانەستەنی، کە تویش خوینوەربوین تیژ و رخباریگ هات.
دیاری کرد کە تیم پزشکی ناچار بوی مناڵدان ژنەگە درارێد تا ئەو خوینوەربوینە بووسنێد، وەلێ ئەو کارە وە ئاست خوازیاگ وەگورەی تواناداری پزشکی نەوی.
سەرچەوەگە وتیش: ژنەگە خوین فرەیگ لەلی چگ، و خوین کردنە لەشی، ئیجا زویوەزوی ئەرا خەسەخانەی جمهوری کەرکوک بریا ئەرا تەواوکردن چارەسەری، وەلێ گیانی لەدەسدا.
سەرچەوەگە دیاری کرد کە لێکۆڵینەوەی سەرتایی لە رویداوەگە واز کریا ئەرا رەسین وە بندروسی، و دیاریکردن کەموکوڵی و سزادان خاوەنی وەگورەی یاسا.
