هیزگردن ئاگر گەورەیگ لەناو بازاڕ باڵە لە کازمیە

شەفەق نيوز - بەغداد 

ئاگر گەورەیگ لەناو بازاڕ پڕتاڵ دەسدوو لەنگە کە وەپی ئویشن باڵە، لە شار کازمیە لە بەغدای پایتەخت، شەوەکی ئمڕوو سێشەممە هیزگرد.

 وەچەودیەیلیگ ئەرا ئاژانس شەفەق نیوز وتن: زیاتر لە سەر تیم ئاگرکپەوکردن رەسینە شوین رویداوەگە. 

 لەلای خوەییش، سەرچەوەیگ لە وەڕیەوبەرایەتی وەرگری شارستانی وت: تیمەیلی تەقەلای کپەوکردن ئەو ئاگرە کەن کە لەناو چەن دوکانیگ بازرگانی ئەرا فرووشتن پڕتاڵ باڵە لە باب دروازە لە شار کازمیە هیز گرد.

   بازاڕ باڵە لە کازمیە کە سەدان دوکان هاناوی، یەکیگە لە ناسیایترین بازاڕەیل پڕتاڵ دەسدوو کە رووژانە هەزاران کەس لە ناو دەیشت بەغداد سەردانی کەن.