پەنجەرەیل بوەسن.. خوەڵوتووز لە ماوەی چەن ساعەتیگ رەسێدە بەغداد

شەفەق نيوز/ مەزەنەیل کەشوهەوا، ئیوارەی شەممە، نشان دەن کە خوەڵوتووز وەرەو بەغداد پایتەخت تیەێد.

سادق عەتیە شارەزای کەشناسی، لە پۆستیگ ئاژانس شەفەق نیوز نووڕیەی وت: خوەڵوتووزەگە رەسیەسە سەڵاحەدین ە باشوور نەینەوا و رەمادی، وەگەرد سەرتای شەو روی وەشیوەیگ کەمتر وڵێاە بەغداد پایتەخت کەێد.

 وەرجەیە، کەسەی کەشناسی و زەویلەرزەناسی عراق مەزەنەی بانوخوارکردن پلەی گەرمی لە دویاترین هەفتە لە مانگ ئایار و سەرتای مانگ حوزەیران راگەیان.

 دەسەگە لە راپۆرتیگ رەسیە ئاژانس شەفەق نیوز وت: نەخشەیل کەشوهەوا نشان داوەزیان پلەی گەرمی لە رووژەیل یەکشەممە و دووشەممە و سێشەممە دەن، وەگەرد کاریگەری فرەتر لە شارەیل ناوڕاس و باکوور وڵات، و مەزەنە کریەێد لە رووژ چوارشەممەو دووارەی کەمکەم پلەی گەرمی بەرزەو بوود، وەگەرد وەدویرزانستن شەپوول گەرمی سەختیگ یا پلەی گەرمی ئەویان 50 پلەی سەدی لەی ماوەی نزیکە.