نەجەف.. پیاییگ ژنەی و خەسویرەی وە گولە لەناو جادە کوشێد

شەفەق نيوز- نەجەف 

سەرچەوەیگ ئەمنی لە پارێزگای نەجەف، ئمڕوو دووشەممە، خەوەردا کە کابرایگ تاوانیگ وەبان خیزانەگەی لە ناوڕاس ناوەند شارەگە جیوەجی کرد.

سەرچەوەگە ئەرا ئاژانس شەفەق نیوز وت: کابرایگ ژنەی و خەسویرەی (داڵگ ژنەی) لەناو جادەی مەعمەل ناوڕاس کووفە لە پارێزگای نەجەف کوشت.

سەرچەوەگە دیاری کرد کە مدووەیل جیوەجیکردن تاوانەگە چوودەو ئەرا مرافەیگ خیزانی ناوەینیان، وتیش: بکوشەگە وەرەو شوین نادیاریگ وایە.