لە ماوەی کەمتر لە 60 رووژ.. مردن زاڕوویگ وە گەزین سەگ لە دیالە
شەفەق نیوز ـ دیالە
سەرچەوەیگ ئەمن، ئمڕوو یەکشەممە، خەوەردا لە مردن مناڵیگ دویای ئەوەگ وەرجە زیاتر لە دوو هەفتە تویش گەزین سەگ بوود لە پارێزگای دیالە.
سەرچەوەگە وە ئاژانس شەفەق نیوز وت "مناڵیگ 4 ساڵان وەناو موستەفا حازم، لە خەستەخانە گیان لەدەسدا لەدویای وەسەربردن لەژیر چەودێری چڕ، لەدویای تویشهاتنی وە گەزین سەگ".
وتیش"مناڵەگە وەرجە زیاتر لە دوو هەفتە تویش گەزی سەگ بویە" ئێ رویداوە وە دویەم دانرێد لەماوەی کەمتر لە دوو مانگ، کە وەرجە یە مناڵیگ وەناو ئەیمن مرد".
لە 5 حوزەیران/یونیو گوزەشتە، مناڵیگ وەناو ئەیمەن حسێن لە یەکیگ لە خەستەخانەیل پارێزگای دیالە گیان لەدەسدا، لەدویای دوو مانگ لە گەزین سەگ.
سەرچەوەیگ نزیک لە خێزان مناڵەگە وە ئاژانس شەفەق نیوز وت، "مناڵەگە ئەیمەن تەمەن 11 ساڵان لەدویای نزیکەی 15 رووژ لە وەسەربردن لەخەستەخانە کووچ دویایی کرد وە مدوو تویشهاتن وە وە بیماری دەردە سەگ و رەسین ڤایرۆسەگە وە مێشکی".
وتیش: "لە رووژ 5 ئایار ئەیمەن تویش گەزین سەگ بویە، و تویش وە بیماری دەردە سەگ هاتیە تەندروسی تێکچگە لە 25 ئایار کلکریاس ئەرا خەستەخانە".
