لە لیبیا ئەرا هەولێر.. ئـازادکردن هەفت کووچبەر "نایاسایی" عراقی لە تەرابلس

شەفەق نیوز ــ ترابلس

دەسڵاتدارەیل لیبیا، ئمڕوو چوارشەممە، ئازادکردن هەفت هاوڵاتی عراقی راگەیانن کە لەکووچبەرەیل نایاسایی بوین، لەورا دەسوەسەر کریاوین.

بایلۆز عراق لە لیبیا، ئەحمەد سەحاف وە "روسیا الیوم" راگەیان، ئێ گامە لەدویای پەیوەندی وەردەوام و خەسەیل هات ئەرا زیاتر لە دوو مانگ وەرد دەزگایەیل ئەمنی سەر وە حکومەت یەکەی نیشتیمانی لە ترابلس.

دیاریکرد، بایلۆزخانەگە چەودێری تەندروسی و پاسەپۆرت ئەرا هاتوچو لە فرۆکەخانەی مەعیتیقەو ئەرا فرۆکەخانەی هەولێر لەڕی کر  شانشین ئۆردنی ئامادەکریاس.

وتیش بایلۆزخانەگە هەماهەنگی وەرد لیژنەی پەیوەنیەیل دەرەوە لە ئەنجومەن نوێنەرەیل عراق و نویسینگەی وەزارەت دەرەوە لە هەرێم کوردستان کردیە لەڕی دابینکردن بلیت گەشتکردن وە پەتی و ئاسانکاریکردن گلەوخواردنیان  وە شیوەی خوەیبەخشانە ئەرا وڵاتەگە.