لە سەدەی گوزەشتە تاڵان کریاس.. مۆزەخانەیگ ئەمریکی سێ پارچەی ئاسەواری ئەرا عراق گلەو دەێد

شەفەق نيوز/ مۆزەخانەی متروبوليتان لە نیویۆرک، راگەیان کە سێ پارچەی ئاسەواری ئەرا عراق گلەو داگە، میژوویان چوودەو ئەرا ناوەین هەزارەی سێ و دوو وەرجە زایین.

وەگشتی ئەو پارچەیلە نزیکەی 500,000 دۆلار ئەمریکی هەرزن، وەگورەی سایت "artnews".

سایتەگە وتیش: ئی پارچەیلە قاویگ سۆمەریڵ لە گەچ و مەڕمەڕ دروس کریاس لە دەورگرد 2600-2500 وەرجە زایین، و دوو پەیکەر بابلی لە خەڕگ لە نزیکەی 2000-1600 وەرجە زایین جویر سەر پیا ت ژنە.

وتیش: وە هاوکاری بانگەشەکار گشتی لە مانهاتن ئەو پارچەیلە گلەو کریان، دویای ئەوە کە مۆزەخانەگە زانیاری نوو وەرگرد لە ئەنجام لێکۆڵینەوە وەرد روبن سايمز، کە بازرگان بەریتانیە و توومەتبارە کە وەگەرد تووڕیگ کار کەێد کە بازرگانی وە پارچەیل ئاسەواری تاڵانکریاگ کار کەێد.

مەزەنە کریەێد ئەو دوو پەیکەر بابلیە لە شوین ئاسەواری "ئیيسن" لە عراق بڕیاس، و لە کۆتایی شەسەیل سەدەی گوزەشتە تاڵان کریاس.

وەگورەی بەیاننامەگە، مۆزەخانەگە باس سوپاس خوەی ئەرا گفتوگۆ وەردەوام وەرد عراق لەباوەت تەقەلایل هاوکاری بانان، و نووڕێدە کارکردن وەیەکەو ئەرا پاڵپشتیکردن پابەندی هاوبەش ئەرا پاڵپشتیکردن زانست وە هونەر و کەلتوور عراقیەیل.

هەرلیوا، نیزار خێرولڵا باڵیۆز عراق لە واشینتۆن باس فەرماندەیی یەکەی دژە بازرگانیکردن وە ئاسەواری لە ئەمریکا کرد کە گورجە لە گلەوداین ئاسەواریەیل تاڵانکریاگ وڵاتەگەی.

لە بەیاننامەیگ وت: هەمیش رێز لە هاوبەشی وەردەوام وەرن باڵیۆزخانەی لمتروبوليتان نەیمن، مە پابەندبوینب وە مقیەتیکردن میراتی کەلتووری ئەرک هاوبەشمان تەواو کەێد لە مقیەتیکردن ئاسەواریەیل جەهان.