ئەفسەریگ لە سوپا وەشیوەی نادیار گیان لەدەسدەێد لە باشوور عراق

شەفەق نیوز/ سەرچەوەیگ ئەمنی لە بەسڕە، ئمڕوو دووشەممە، خەوەردا ئەفسەریگ سەربازی گیان لەدەسداس لە بارودۆخ نادیاریگ لەناو یەکەی سەربازی لە پارێزگاگە.

سەرچەوەگەوە ئاژانس شەفەق نیوز وت، "ئەفسەریگ وە پلەی نەقیب کە فەرماندەی سریەی یەکەمە لە تیپ سێیەم لیوای 83 لە سوپای عراقی لە بارودۆخ نادیاریگ لە پارێزگای بەسڕە گیان لەدەێد".

وتیش؛ "ئەفسەرەگە داوا لە پاسەوانە سەربازەگە کە لەنوای بنکەی (کەرڤان) ەگە وسیایە چەکەگەی وەپی بدەێد  چگەسە ناو کەرڤانەگە و دویای چەن خولەکیگ دەنگ تەقەکردن ژنەفیاس".

دیاریکرد، "سەربازە پاسەوانەگە هەر زوی چگەسە ناو بنکەگە دوینێد ئەفسەرەکە وە گولە دەمی زەخمداربویە خوین هالەقێ قەواسەی کەرڤانەگە"، وتیش؛ "ئەفسەرەگە ئەرا خەستەخانە کلکریاس باوجی لەوەر بەدی بارودۆخ تەندروسی گیان دەسدەێد".

سەرچەوەگە دووپاتکرد "سەربازەگە دەسوەسەرکریاس لێکۆڵینەوە لە رویداوەگە وازکریا، ئەرا زانین رویداوەگە کە خوەکوشیە یا وەشیوەی هەڵە تەقەکریاس".