عراق چوارەم گەورەترین هەناردەکار نەفتە ئەرا چین وەماوەی مانگیگ
2024-08-21T10:32:55+00:00
شەفەق نیوز/ ئیدارەی گومرگەیل وڵات چین، ئمڕوو چوارشەممە، راگەیان کە عراق بویە چوارەم وڵات لە فرەترین هەناردەکار نەفت ئەرا چین لەماوەی مانگ تەمووز.
لە ئاماریگ ئاژانس شەفەق نیوز نووڕیەی نشان دا کە هەناردەیل نەفت عراق ئەرا چین لەماوەی مانگ تەمووز ساڵ ٢٠٢٤ رەسیە ٤.٣٦ ملیۆن تەن میتری کە ٣٣.٩٣ ملیۆن بەرمیل کەێد، لە داوەزیانیگ رەسیە ١٢.١٪ لە مانگ حوزەیران کە رەسیە ٥.٧ ملیۆن تەن میتری یا وەگورەی ٤١.٧٨ ملیۆن بەرمیل، و لە خود مانگ لە پارەکە بەرزترە وە ریژەی ١٤.٢٪ کە رەسیە ٥.٤٠ ملیۆن تەن میتری کە ٣٩.٥٨ ملیۆن بەرمیل کەێد.
دیاری کرد کە عراق کەفتە پلەی چوارەم لەناو دە دەوڵەت هەناردەکارەیل گەورەی نەفت ئەرا چین لەماوەی مانگ گوزەشتە، وتیش: عراق کەفتە دویای رووسیا ٧.٤٦ ملیۆن تەن میتری، و سعودیە ٧.٤٦ ملیۆن تەن میتری، و مالیزیا ٦.٢١ ملیۆن تەن میتری.
