کەشوهەوای عراق.. "میوانە رەنگزەردەگە" سوو لاچوود و کەشناسی "مزگانی" داوەزیان پلەی گەرمی دەێد
شەفەق نيوز/ دەسەی کەشناسی و زەویلەرزەناسی عراق، ئیوارەی ئمڕوو چوارشەممە، مەزەنە کرد کە شەپوول خوەڵوتووز خەسیگ تا مامناوەند ئمشەو وڵاتەگە گرێدەو و تا سوو وەردەوامە.
دەسەگە لە بەیاننامەیگ رەسیە ئاژانس شەفەق نیوز وت: دویاترین وینەیل مانگەیل دەسکرد، نشان تەکان خوەڵوتووز ناوەین مامناوەند وا خەسیگ دەێد وەرەو شارەیل باکوور وڵات لەی وەختە، و مەزەنە کریەێد لە ساعەتەیل شەو وەردەوام بوود.
دیاری کرد کە لە شارەیل ناوڕاس وڵات ئیرنگە کاریگەری خوەڵوتووز لە مامناوەند تا سووکە، و کەمەکم لە ساعەتەیل شەو داوەزێد، و سوو پەنجشەممە، وەشیوەیگ کەمتر گلەو خوەێد.
وتیش: ئیرنگە لە ناوچەیل باشوور ئاسمان پاک و فرە گەرمە.
دەسەگە وتیش: وینەیل مانگەیل دەسکرد نشانیش کەن کە خوەڵوتووز سووکیگ تا مامناوەند لە باکوور و خوەرهەڵات پارێزگای ئەنبارەو تیەێد.
دیاری کرد کە مەزەنە کریەێد سوو پەنجشەممە پلەی گەرمی وەشیوەی کەمیگ داوەزێد، و رووژ جمعە داوەزیانی ئاشکراترەک بوود وە جیاوازی لەناوەین 5-6 پلەی سەدی وەرانوەر ریژەیل ئمڕوو.
