کەشناسی عراق.. کەشوهەوای ئارام وەگەرد دەرفەت واران و گرمەهڕ
شەفەق نیوز/ دەسەی کەشناسی عراق، مەزەنەی کەشوهەوای ئارامیگ کرد کە لە سوو یەکشەممەو دەسوەپی کەێد و تا رووژ یەکشەممە وەردەوامە، وتیش؛ کاریگەریی لەبان ناوچەیل ناوڕاس و خوەرئاوا و باکوور عراق بوود.
لە بەیاننامەیگ کە رەسیە ئاژانس شەفەق نیوز وت: شانەیگ لە فشار نزمیگ خوەرهەڵات دەریای ناوڕاس دروس بوود، کە جویلەی سووکیگ خەێدە بەرەی وای سەردیگ لە قاتە بەرزەیل کەشوهەوا.
دەسەگە دیاریکرد ئەو کەشەی مەزەنەکرێد ئەرا رووژەیل ئایندە قایم نییە چەن فاکتەریگ هیلێد کاریگەریەگەی کەمەوبوود، لەدیارترینی بەرزەوبوینسگ روکەشی لە ناوڕاس نیمچە دورگەیی دەلەک وا هشکێگ نەێد وەرەو لای وڵاتەگە، یەیش تونی حالەتەگەکەمەوکەێد، سەردی کەمیگ لە تاقەیل بەرز جیاوازی بەرزترین پلەی گەرمی کەمەوکەێد، لە ئەنجام ئەور گەپیگ یا واران وارین رفتیگ وەدی نیەکرێد.
لە بارەی مەزەنەیل واران، دەسەگە وت: مەزەنەکرێد ئەور وەدەوم بوودودەرفەت واران وارین سوک و جیاوازیگ بوود لە شارەیل باشوور و بڕیگ لە شارەسل ناوڕاس لە ئمڕوو شەممە و نیمەڕووی یەکشەممە.
ئەورەیگ وەرد پالەپەستۆی نزمیگ وەرەو ئاسمان شارەیل عراق تێد لەماوەی ساعەتەیل نیمەڕوو و ئیوارەی یەکشەممە، ئەرا دەسکردن وە واران سوکیگ یا مامناوەندیگ وەرد بەرق و بەلاچە لە باشوور ئەنبار، دویایی وەرەو بەغدای پایتەخت و سەڵاحەدین چوود، و وە ئاراستەی شارەیل ناوڕاس و باکوور عراق وەردەوام بوود.
پلەی گەرمی داوەزێد و دەسەگە مەزەنەی بەرزەوبوین پلەی گەرمی کەێد لە شارەیل باشوور کە لە ئمڕووە دەوەپی کەێد ، دوارە لە رووژ چوارشەممە داەزێد.
دەسەگە وتیش؛ تا ئیسە هویچ هووشداریگ لە لاوو لافاو نییە ، هەرچەنە دەرفەت واران وارین رفتیگ لە بڕیگ شوین هەس ئەرا ماوەی کوڵیگ.
دووپاتکرد، نمونەی کەشناسی جیاوازن لە مەزەنەیلیان لەبارەی بڕ واران وارین لەوەر ئاڵشتبوین خێرایگ کەشوهەوا، باوجی ئەوەگ جیگیرە شارەل باشوور نیەگردەو.
