کەشناسی عراق: شەپۆلیگ واران وارین روی لە عراق کەێد
2024-12-25T09:32:28+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەکرد شەپۆلیگ واران وارین و وا هەرێم کوردستان و عراق گرێدەو.
دەسەگە راگەیان، "سوو پەنجشەممە، شەپولیگ واران وارین ناوچەیل هەرێم کوردستان و زەشیگ لە شارەیل عراق گرێدەو خێرایی وا زیای کەێد و گاجاریگ بەڵاچە ها وەگەردیا.
دیاریکرد، رووژ جومعە شەپوولەگە خەسترەوبوود گشت ناوچەیل عراق گرێدەو لە چەن شووینیگ واران رفتیگ بوود و خێرایی وا رەسێدە55کیلومەتر لە سەعاتیگ.
کەشناسی عراق ئاشکرایکرد، فرەترین واران وارین لەناوچەیل هەرێم کوردستان بوود و وتیش کاریگەریەگەی شەپۆلەگە تا ئیوارەی رووژ شەممە وەردەوام بوود.
