شەپوولیگ گەرمی سويەر عراق گرێدەو.. 11 ناوچە لەناو لیست گەرمترین ناوچەیل بان زەوی

شفق نيوز- بغداد 

11 ناوچەی عراق، ئمڕوو یەکشەممە، بڕوار 22 تەمووز 2025 لە لیست 15 گەرمترین ناوچەیل لە جەهان توومارکریان لە پلەی گەرمی  بیس و چوار سەعات وەرین، وەپای راپۆرتیگ کە لە ویستگەی "بلای ویدز" جەهانی تایوەت وە کەشناسی دەرچگە.

فرۆکەخانەی ناودەوڵەتی بەسرە لە عراق ها لوتکەی جەهان وە پلەی گەرمی 50.6 پلە، لەدویای ئەهواز لە ئیران تێد وە پلەی 50.4 سەدی، و ناوچەی بەسرە ـ حسێن لە عراق سێیەممە وە 50.1 پلە.

ناسڕیە لە عراق چوارەمە وە 49.9 پلە، عەمێدیە لە ئیان پەنجشەممە وە 49.9 پلە، موسڵ لە عراق شەشەمە وە 49.8 پلە و کەرکوک هەفتەمە وە 49.8 پلە.

حلە لە عراق پلەی هەشتەم جەهان گردیە وە 49.7 پلە، ئابادان لە ئیران نۆیەمە وە ـ49.6 و دیوانیە لە عراق دەیەمە وە 49.5 پلە.

عەمارەیش لە عراق ، وە 49.4 لە پلە یانزەس، بەدرە لە عراق وە 49.3 لە پلەی  12، دویایی کوت  و کەربەلا لە عراق وە 49.3 و 49.2 پلە هانە پلەی 13و  14 و دویاجاریش رفاعی لە عراق وە 49.1 هالە کۆتایی.

وەی جویرە عراق  یانزە پلە لە بنەڕەت 15 ناوچەیل جەهان لە پلەی گەرمی گردیە، لە وەختیگ شەپوول گەرمی تونیگ بی وینە لە ماوەی ئێ تاوسانە دەێد لە ناوچەگە.