شەپولیگ گەرمی لە عراق نزیکەوبوود.. "ئامادەکاری ئەرا گەرمترین رووژەیل تاوسان بکەن"

شەفەق نيوز - بەغداد

کەشناس سادق عەتییە، ئمڕوو چوارسەممە، راگەیان، "شەپولیگ گەرما" کە پلەی گەرمی پەیمانەییگ وەگەردیا بەرزەو بوود لە وەخت تاوسان لە هەفتەی ئاییندە ولاتەگە گرێدەو.

عەتیە لە پۆستیگ لەبان سۆشیال میدیا رایگەیان، "وەگەرد کۆتاییهاتن ئەو ماوە کە تاڕادەیگ مامناوەن بوی لە چەن رووژ گوزەشتە، وەرد دەسوەپیکردن هەفتەی ئاییندە، وڵات جوودە قۆناغ نویگ تاوسان وەگەرد بەرزەوبوین وەرجەویگ پلەی گەرمی،  وە تاییبەت لە ناوچەیل ناوڕاس و باشوور، مەزەنەکرێد پلەی گەرمی تا پەنجا پلە برەسێد لە شارەیل باشوور لە رووژ شەممەی ئایندە 12ی تەمموزەز، لە شارەیل ترەک ها خوار پەنجاگان''.

وتیش ''ئی بەرزەوبوینە وە شیوەی کۆمەڵایەتیەگەی وە "جمرة القيظ" (مژ سویەری) ناسیەێد، کە وە گەرمترین ماوە دانریەێد لە تاوسان  عراق  و دورگەی عەرەبی، لە نیمەی تەمووز دەسوەپی کەێد  تا نیمەی ئاب درویژە کیشێد، یەیش لوتکەی گەرمی هووکارە کە زاڵە وە بان ناوچەگە، پاڵ وە گەرمی و هەوای هشک لە باشوور خوەرهەڵاتەو وەرەو عراق نەێد وەگەرد سیستەمیگ پەستان بەرز لە چینەیل بان''. 

لەو ماوە چە شیوەیگ روی دەێد:

- تیشک خوەر نیمە ئاسووییە وەبان ناوچەگە، تیشکەیل خوەر هاتگ زیایکەێد.

- شارەیل ناوڕاس و باشوور پلەی گەرمی پەیمانەیی توومارکەن 50 لە بڕیگ شار 50 پلە ردکەێد.

- ئاڵشتبوین لە خێرایی وئاراستەیوا رێژەی چام باشوور زیایەوبوود.

پێشنیارەی:

پێشنیار کریەێد لە وەخت لوتکە (لە ساعەت ١١ی شەوەکی تا ٤ ئیوارە) لە کەفتنە  وەر خوەر دویرەوبکەفن، ئاو فرەیگ بنووشن و چالاکی دەێشت سنووردار بکریەێد.