سەربازیگ هاناویان.. خوەیکوشتن سێ کەس لە ماوەی 24 ساعەت لە نەینەوا

شەفەق نيوز/ سەرچەوەیگ ئەمنی لە پارێزگای نەینەوا، ئمڕوو شەممە، خەوەرنا لە توومارکردن سێ خوەیکوشتن لە ماوەی 24 ساعەت گوزەشتە، یەکیگیان سەرباز بویە.

سەرچەوەگە ئەرا ئاژانس شەفەق نیوز وت: یەکەم رویزاو لە قەزای شنگال خوەرائاوای موسڵ توومار کریا، کە پیاییگ ئێزدی لەناو ماڵەگەی خوەی دادە سێدارە.

 وتیش: رویداو دویەم لە ناوچەی مشێرفەی دوو لە شار موسڵ توومار کریا، کە ژنیگ لە تەمەن 22 ساڵە خوەی دادە سێدارە لەناو ماڵەگەی خوەی، وتیش: کەسوکارەیلی وتنە زیان دەروینی داشتیە.

دیاری کرد کە لە سێیەم رویداو، یەکیگ لە سەربازەیل پاسەوانی نەینەوا وە گولە داد لە سەر خوەی لە مەوقەی کارکردنی لەناو سەربازگەی زیلیکان لە ناحیەی بەعشیقە، دیاری کرد خوەیکوشەگە لە تەمەن 35 ساڵان بویە، و تەرمەگەی ئەرا خەسەخانەی شێخان بریا.