رووشنکردنیگ فەرمی لەباوەت بڕانن بەشیگ لە مووچەی ئەندامە ئەمنیەیل عراق لە بەرژەوەنی سندوق ئاوەدانکردن سوریا
2025-11-09T08:38:32+00:00
شەفەق نیوز ـ بەغدا
شانەی راگەیانن ئەمنی، ئمڕوو یەکشەممە، رەدیکرد ئەوەگ لەبان بڕیگ لە تووڕە کۆمەڵایەتیەیل و راگەیانەیل بڵاوکریاس لەباوەت بەڵگەنامەیگ قسە کەێد لەبان بڕانن بەشیگ لە مووچەی ئەندامەیل ئەمنی لە بەرژەوەنی سندوق ئاوەدانکردن سوریا.
سەرۆک شانەیلسەعەد معن لە بەیاننامەیگ وت، ئەو بەڵگەنامەیە بڵاوبویە راس نییە، و لە راسیەو هویچ بنەرەتیگ نەیرێد، و هویچ پەیوەندییگ وە سکرتاریەت گشتی ئەنجومەن وەزیرەیل و هویچ ئۆرگانیگ فەرمی تر نییە.
شانەی ئەمنی راگەیانن داوا لە گشتی کەێد بڕوا وە سەرچەوەیل فەرمی بکەن لە بڵاوکردن خەوەر و زانیاری وە بەڵگە و خەوەر ناڕاس پشت نەوەسن.
