روانگەیگ ژینگەیی هووشداری دەێد رزیان گیس دانشتگەی کۆمەڵەی نیشتەجیبوین "بەسمایە" لە بەغدا وە مدوو ئاوەو

روانگەی "عراق سەوز" ژینگەیی، ئمڕوو سێشەممە، هووشداری دا، مەردم کۆمەڵگەی نیشتەجیبوین بەسمایە لە بەغدای پایتەخت کە رێژەیان سەد هزار کەسن لەوەر بەدی ئاو ناو کۆمەڵگەگە  تویش بیماری پووس و رزیان گیس هاتنەس.

روانگەگە لە راپۆرتیگ رەسیە ئاژانس شەفەق نیوز وت، دانشتگەیل کۆمەڵگەگە داد لە رەنگ پەو ئاوە کەن رەسێد وەپیان، کە جویر رەنگ "قاوە"س و گا جاریگیش دەمەو زەردە یەیش هیشتیە مەردم پشت وەپی نەوەسن.

وتیش، ئاو کۆمەڵگەگە گاجاریگ وە هویچ فیلتەریگ دەرد نیەود و پاکەونیەکرێد، گاجاریگیش بوون کلۆر زیای لە هەوەجەی خوەیە.

وەپای روانگەگە، هاوڵاتیەیل لە کمەڵگەگە، کە رێژەیان رەسێدە 100 هەزار هاوڵاتی دەسکردنە وە پشت بەسان وە ئاو  ـ"RO" چوینکە ئەو ئاوە رەسێد وە کۆمڵگەگە بویەسە مدوو بیماری پووس و رزیان گیس وە شایەتی ئەو دکتۆرەیلە کە سەردانیان کردنە.

راپۆرتەگە هەمیش هووشداریدا، لە بەرزەوبوین نرخ یەکەی ئاو لە 11 هەزار دینارەو ئەرا 20 هەزار دینار، هەوەجەس لایەنەیل وەرپرس گرنگی وە ئاو کۆمەڵگەی بەسمایە بیەن، و پاکیەوبکەن وەشیوەی خاسیگ دڵنیابوون لەوەگ وەلایەن هاوڵاتیەیل تێدە وەکارهاوردن.