پەروەردە وەگەرد هەڵوژاردن لە مانگ تەشرین دویەم بانان ئەرا زیاتر لە هەفتەیگ پەک دەوام مەکتەوەیل خەێد
2025-07-22T10:08:29+00:00
شەفەق نیوز ــ بەغداد
وەزارەت پەروەردەی عراق بڕیاردا، زیاتر لە هەفتەیگ پەک بخەێد دەوام فەرمی ساڵ خوەنین ئایندە 2025 - 2026، کە هاو وەختە وەرد هەڵوژاردن دەستوریەیل کە بڕیارە لە مانگ تەشرین دویەم ئایندەی ئمساڵ وەڕیوە بچوود.
وەپای نویسریایگ فەرمی کە لە وەزارەتگە دەرچگە و وەزیر پەروەردە واژووی کردیە لە بڕوار نۆی تەموز، ئاراستەی وەڕێوەبەرایەتیەیل پەروەردەکریاس لە بەغدای پایتەخت و گشت پارێزگایەیل.
وەزیر بڕیاردا ئەو مەکتەویلە کە جویر بنکەی دەنگدان وەکارتێد لە ٥ تا ١٣ی مانگ تەشرین دویەم ڕادەست کۆمیسیۆن باڵای سەروەخوەی هەڵوژاردنەیل بکرێد ئەرا ئەنجامدان خاسەوکردنەیل هەوەجەکریاگ و بەسانن کامیرا و دانان کەرەستەیل دەنگدان.
