دروسکردن دەسەیگ هەمیشەیی پایەبەرز ناوەین بەغداد و هەولێر ئەرا یەکخستن باجەیل گومرگی و گەشەپیدان جیوەجیکاری
شەفەق نيوز- بەغداد
ئەنجومەن وەزارەتی عراقی ئابووری، ئمڕوو دووشەممە، بڕیار دروسکردن دەسەیگ هەمیشەیی پایەبەرز ناوەین بەغداد و هەولێر دا، ئەرا یەکخستن تەقەلایل و گەشەپیدان کار گومرگی لە گشت مەرزەیل سنووری.
ئەوەیش لە سەرۆکایەتیکردن فوئاد حسێ جیگر سەرۆک وەزیرەیل، وەزیر دەیشت ئەرا دانیشتن پیسوپەنجەم ئەنجومەن وەزارەتی ئابووری کە لە بینای ئەنجومەنەگە وەڕیەو چگ، وە ئامادەبوین محمد تەمیم جیگر سەرۆک وەزیرەیل، وەزیر پلانسازی، و وەزیرەیل دارایی و بازرگانی و کشتوکاڵی و پیشەسازی و کار و ئەمیندار گشتی ئەنجومەن وەزیرەیل، و پارێزگار بانک ناوەندی، و سەرۆک دەزگای کاغەز پویلی، و جیگر سەرۆک دەزگای نیشتمانی ئەرا بەرهەمهاوردن، و سڵاکار سەرۆک وەزیرەیل ئەرا کاروبار یاسایی.
وەگورەی بەیاننامەیگ رەسیە ئاژانس شەفەق نیوز، سەرۆک دەزگای مەرزەیل سنووری، وەڕیەوبەر گشتی، و وەڕیەوبەر فەرمانگەی یاسایی لە دەزگای گومرگەیل حکومەت عراق، و شاند هەرێم کوردستان، وە نوینەرایەتیی سڵاکار وەزارەت ناوخۆ، و وەڕیەوبەر گشتی گومرگەیل، و وەڕیەوبەر گشتی پەیوەندیەیل لە نوێنەرایەتی هەرێم کوردستان، ئەرا باسکردن لە بڕیار ئەنجومەن وەزیرەیل شمارەی 270 ئەرا ساڵ 2025 لەباوەت باج گومرگی و یەکخستنی لە گشت مەرزەیل سنووری عراق.
بەیانامەگە وتیش: ئەنجومەنەگە کەباب باسکردن فرەیگ، بڕیار دا دەسەیگ هەمیشەیی وە سەرۆکایەتی سڵاکار سەرۆک وەزیرەیل ئەرا کاروبار مەرزەیل سنووری و گومرگ دروس بکریەێد، و ئەندامیەتی دوو ئەندام وە پلەی وەڕیەوبەر گشتی لە هەرلە دەزگای گشتی گومرگەیل لە وەزارەت دارایی، و وەزارەت بازرگانی، و بانک ناوەندی، و مەزرای مەرزەیل سنووری، و دوو نوینەر لە هەرێم کوردستان، ئەرا یەکخستن تەقەلایل و ئەرا هەڵسەنگاندن خولانە، و پیشکەشکردن نووڕین و را ئەرا گەشەپیدان کار گومرگی لە گشت مەرزەیل سنووری.
هەمیش پسپۆڕەیل لە حکومەت هەرێم کوردستان نووڕین و پێشنیار خوەیان لەبان بڕیار ئەنجومەن وەزیرەیل لە ماوەی سی رووژ لەدویای دروسکردنی پیشکەش کەن.
