دەسگیرکردن باندیگ دزیکردن لە ماڵ و ماشینەیل لە بەغداد

شەفەق نیوز – بەغداد

پۆلیس فیدڕاڵی، ئمروو سێشەممە، خەوەردا لە دەسگیرکردن باندیگ تایبەت وە دزیکردن لە ماڵ و ماشین لە بەغدای پایتەخت.

سەرچەوەیگ تایبەت وە ئاژانس شەفەق نیوز وت؛ ''هیزیگ لە پۆلیس فیدراڵیی باندیگ پەنج کەسی دەسگیرکردنە کە لە ری چەک دزی لە ماڵ و ماشینەیل کردنە لە ناوچە جیاوازەیل بەغدای پایتەخت''.

سەرچەوەگە ئاشکرایکرد، ''ئۆپراسیۆنەگە لە سویایی جەودیریکردن ئەندامەیل باندەگە ئەنجامدریا، دەسگردن وەبان ئەندامەیلیان و دانان کوڵە ئەرایان و دەسگردن وە بان چەکەگەیان''.