دەسگیرکردن 31 کەس بیانی سەرپیچیکەر یاسایەیل نیشتەجیبوین لە بەغدا

شەفەق نیوز ـ بەغدا

فەرماندەی ئۆپراسیۆنەیل بەغدا، ئمڕوو دووشەممە، خەوەردان لە دەسگیرکردن 31کەس بیانی سەرپیچیکەر یاسایەیل فەرمانگەی نیشتەجیبوین و ناسنامە لە لای کەرخ لە پایتەخت.

فەرماندەگە لە بەیاننامەیگ رەسیە ئاژانس شەفەق نیوز وت، "تیپ هەڤدەی پیادە و تیپ دوو پۆۆلیس فیدڕاڵی، وە پشت بەسان وە دەزگا و ئاژانس هەواڵگێری و هەماهەنگی وەرد بەش هەواڵگێری و ئاسایش، هەڵمەتیگ دویزەوکردن بارودۆخ کراکارەیل بیانی ئەنجامدان لە سنوور کەرت وەرپرسیار".

وتیش؛ لە ئەنجام هەڵمەتەگە "31 بیانی دەسگیرکریان کە بەڵگەنامەی  فەرمی نیشتەجیبوین یاسایی نەیرن، لە سنوور ناوچەی غەزالیە و شەیحەی لای کەرخ".

دیاریکرد دەسوەسەرکریاگەیل دریانە دەس لایەنەیل پەیوەنیدار ئەرا تەواوکردن رێکارەیل یاسایی پێویست.