دەسپاکی دەسگیرکردن 4 کەس وە توومەت قاچاخکردن قاڵبە تەڵا لە فرۆکەخانەی بەغداد راگەیان
شەفەق نیوز/ دەسەی دەسپاکی فیدڕاڵی، ئمڕوو سێشەممە، جیوەجیکردن چوار فەرمان دەسگیرکردن وەرانوەر شمارەیگ توومەتبار لە دۆسیەی قاچاخکردن تەڵا لەری فرۆکەخانەی ناودەوڵەتی بەغداد راگەیان.
نویسینگەی راگەیانن و پەیوەنی حکومی لە بەیاننامەیگ رەسیە ئاژانس شەفەق نیوز وت، "تیمیگ لە وەڕێوەبەرایەتی لێکۆڵینەوەی دەسەی دەسپاکی لە بەغداد، لە دویای ئۆپراسیۆنیگ وشکنین و لێکۆڵینەوەیل کە لەژیر سەرپەرشتی دادوەر لێکۆڵەر تایوەت ئەنجام دریا، توەنستن فەرمان دەسگیرکردنیگ جیوەیبکەن کە لە دادگای تاوانەیل دژە گەندەڵی ناوەندی دەرچگە ئەرا چوار کەس لە ەوومەتبارەیل دۆسیەی قاچاغکردن تەڵا".
وتیش "سەرۆک دەسەگە محەمەد عەلی لامی، لە هەڤدەی ئێ مانگە رویکردیەسە فەرمانگەی یاسایی لە دەسە وە داوای لێکۆڵینەوەکردن لە دۆسیەیگ تایوەت وە قاچاخکردن تەڵا لە ری یەکیگ لە فرۆکەیل کۆمپانیایگ کڕ ئاسمانی عراقی".
مەفرەزەیل پۆلیس گومرک وە فەرماندەیی پۆلیس سنووری وە هاوکاری وەرد فەرمانبەرەیل دەسەی گشتی گومرک، لە 17 تەشرین دویەم توەنستن تەقەلایگ قاچاخکردن بڕیگ گەپ لە تەڵا پویچەوبکەن.
