تاوان نادیاریگ.. پیاییگ ژنەی خوەی کوشێد و خوەی دەێدە دەس پولیس لە بەسرە

شەفەق نيوز- بەسرە 

ناوچەی قیبلە لە پارێزگای بەسرە، شەوەکی ئمڕوو دووشەممە، تاوان کوشتنیگ وەخوەی دی، کە پیاییگ ژنەی خوای لەناو ماڵیان لە گەڕەک شوهەدا کوشت، ئیجا وەپای خوەی هات تا خوەی بەێدە دەس لایەنەیل ئەمنی.

سەرچەوەیگ ئەمنی ئەرا ئاژانس شەفەق نیوز وت: بکوشەگە تاوانەگەی لەناو ماڵ خوەی جیوەجی کردگە وە چەک ژنەی خوەی کوشتیە، ئیجا روی وەرەو لایەنەیل ئەمنی کردگە، و ئاشکرای کردەوەی خوەی ئەرایان کرد و خوەی دادە دەس.

سەرچەوەگە وتیش: هیزەیل ئەمنی رەسینە شوین رویداوەگە، و تەرم ژنەگە ئەرا پزشک دادوەری کلکرد، و داوای تیمەیل پسپۆڕ کرد ئەرا گردەوکردن زانیاری و بەڵگەیل.