باوگیگ تەقە لە دویەتەی خوەی کەێد و وە بومبیگ هەڕەشەی هیزەیل ئەمنی دەێد لە بەسرە

شەفەق نيوز/ سەرچەوەیگ ئەمنی لە بەسرە، ئمڕوو سێشەممە، خەوەردا کە پیاییگ تەقە لە دویەتی خوەی کرد، و هەڕەشەی تەقانن بومبیگ دەسی دا مەوقەی تەقەلای دەسگیرکردنی لە پارێزگاگە ئەوپەڕ باشوور عراق.

سەرچەوەگە ئەرا ئاژانس شەفەق نیوز وت: دویەتیگ لەناو تەمەن بیس ساڵان پای وە گولەی باوگی زەخمدار بوی، لەناو ماڵەیل تەجاوز لە ناحیەی خۆر زوبیر خوەرئاوای پارێزگای بەسرە.

سەرچەوەگە وتیش: هیزیگ ئەمنی رەسیە شوین رویداوەگە و تەقەلای دەسگیرکردن باوگە دا، وەلێ وەناکاوەو نارجەیگ دراورد و هەڕەشەی تەقاننی دا، دیاری کرد کە لە کۆتایی پیاوەگە دەسگیر کریا وەبی زەردیگ زیاتر.