بەغداد.. گەردەلویلیگ خوەڵوارین ژیان وسنێد و هووشداری دەسوەجی درێد (وینە)
شەفەق نیوز/ کەشوەهەوای بەغدای پایتەخت، ئمڕوو دووشەممە، ئاڵشتبوی ئەرا دیمەنیگ رخبەر، لەدویای ئەوەگ تەپوتوز خەسیگ ئاسمان و جادەیل پوشانییە، وەگەرد کەشوهەوا خنکێنەرەگە رەنگ شارەگە ئەرا زەرد ئاڵشتکردیە.
کامیرەیل ئاژانس شەفەق نیوز وینەی ناو پایتەخت گردیە و بەرزەوبوین تەپوتوز دەرچگە کە هامشوکردن شیوانیە کاریگەری وەبان گواستنەوەی هاوڵاتیەیل دروسکردیە، وەرد کەمەوکردن ئاست نووڕین وەشیوەی گەپیگ وە تایوەت لەناوچەیل واز، وە مدوو گورجەوبوین وای تونیگ.
لەهەمان وەخت، وەڕێوەبەرایەتی گشتی هاتوچوی هووشداری گرنگ دەێد ئەرا رانندەیل، دیاریکرد وینەیل مانگە دەسکردەیل گورجەوبوین قایمیگ وای روکەش خوەرئاوا توومارکردنە، بویەسە مدوو شەپولیگ تەپوتوز خەسیگ کە ئاست نوڕین ئاسۆیی ئەرا کەمتر لە یەک کیلومەتر کەمەوکردیە لە بڕیگ ناوچە.
وەڕێوەبەرایەتیەگە هووشداریدا، هاتێ لەماوەی چەن ساعەت ئایندە لە ئیوارە بڕەسێدە ناوڕاس و باشوور وڵات، هەوەجەکەێد گشت ئەو کەسەیلە ریگەیل وەکارتیارن : تا توەنن تنایی کەمەوبکەن، رووشنایی وەکاربارن، مەودای گونجیاگ لەناوەین ماشینەیل بیلن، لە وەخت گیریان ئیسفاکردن وە تەواوی بوسێد".
