بەسرە و میسان هانە لوتکەی بەرزترین پلەی گەرمی لە جەهان

شەفەق نیوز - وەدویاچگن

 وێستگەی پلاسەرڤیل لە ویلایەت کالیفۆرنیا، ئمڕوو پەنجشەممە، پارێزگایەیل بەسرە و میسان عراق خسە ناو 15 گەرمترین ناوچەی جەهان لە ماوەی 24 ساعەت گوزەشتە.

وێستگەگە لیست ١٥ ناوچە و شار جەهان بڵاوکردیە کە بەرزترین پلەی گەرمی توومارکردنە، شار ئیجیدۆ نویڤۆ لیۆن لە مەکسیک وە پلەی گەرمی  ٤٧.٩ پلەی سیلیزی لە پێشەنگ رزبەندییەگە گردیە، لە پلەی دویەمیش فڕۆکەخانەی ناودەوڵەتی فۆنیکس سکای هاربەر لە ئەمریکا  وە پلەی  گەرمی ٤٧.٨ پلەی سەدییە.

شار ئەدرار لە جەزائیر پلەی سێیەم وەدەسهاوردی وە پلەی گەرمی 47.7 پلەی سەدی و عەین سەڵاح لە جەزائیر پلەی چوارەم وە 47.6 پلەی سەدی و فڕۆکەخانەی ناودەوڵەتی بەسرە لە عراق پلەی پەنجەم وەدەسهاوردیە وە   پلەی گەرمی 47.4 پلەی سەدی.

وەپای خشتەگە، شار ئەهواز لە ئیران پلەی شەشەم وەدەسهاوردیە کە پلەی گەرمی ٤٦.٩ پلەی سەدییە. شار ڕۆردە نوس جەزائیر وە پلەی هەفتەم تغد وە پلەی گەرمی   46.9 پلەی سەدییە،  گەڕەک ئەلحوسێن لە پارێزگای بەسرە لە پلەی هەشتەمە وە پلەی گەرمی 46.8 پلەی سەدییە، شار عەمارە لە عراق پلەی نۆهەم گردیە وە  پلەی گەرمی 46.7 پلەی سەدی، فڕۆکەخانەی ناودەوڵەتی کوەیت پلەی دەیەم گردیە وە پلەی گەرمی 46.7 پلەی سەدییە.

شار تیمیمۆن جەزائیر لە پلەی یانزەهەمە و پلەی گەرمی 46.7 پلەی سەدییە، شار کرێشبای جەزائیر لە پلەی یانزەهەمە و پلەی گەرمی 46.4 پلەی سەدییە، شار ئەلفاو لە عراق پلەی چواردەهەم وە پلەی گەرمی 46.2 پلەی سەدییە، شار عەمیدیە لە ئیران  پلەی دویاهەمین پلەی گەرمی 46.2 پلەی سەدی بویە.