بڕیار دەسگیرکردن ئەندامیگ ئەنجومەن پارێزگای زیقار دەرچگ

شەفەق نیوز/ سەرچەوەیگ ئەمنی، ئمڕوو سێشەممە، خەوەردا کە دادگای نەهیشتن تاوانەیل زیقار، بڕیار دەسگیرکردن وەبان عەمار رکابی ئەندام ئەنجومەن پارێزگاگە دەرکرد.

سەرچەوەگە ئەرا ئاژانس شەفەق نیوز وت: بڕیارەگە لە بنەمای مامەی ٤٣٠ لە یاسای سزادان عراقی دەرچگ.

لە ئەیلوول گوزەشتە، هیزەیل ئەمنی عەمار رکابی ئەندام ئەنجومەن پارێزگای زیقار دەسگیر کردن، وەلێ دویای ئەوە وە کەفالە مەرەقەز کریا، و وەگەردی سەرچەوەیگ ئاگادار بڕیار دەسگیرکردن نوو دەرچگ چوینکە لە مەوقەی دادکاری رکابی ئامادە نەویە.

پارێزگای زیقار، جویلەی ئەمنی گەورەیگ وەخوەی دوینێد کە تووڕەیل چزدان وەرپرسەیل پارێزگاگە کەێدە ئامانج، کە رەسیە دەسگیرکردن کەسەیلیگ ناودیار گویێ ئەندامەیل ئەنجومەن پارێزگاگە، و هیمان تەقەلای دەسگیرکردن کەسەیلیگ ترەک وەردەوامە.