کامیرای شەفەق نیوز گلەوخواردن ژیان ئەرا مەرز زورباتیە دویای چەن رووژیگ لە وسیان توومار کەێد

شەفەق نيوز/ واست

کامیرایل ئاژانس شەفەق نیوز شیوەی هامشوو گەشتیارەیل لەناو مەرز سنووری زورباتیە وەرم ئیرانەو لە پارێزگای واست عراق توومار کرد، کە رزەیل وسیانە، و ریکارەیل وەشکین و نووڕستن پاسپۆرتەیل وەڕیەو چوود، وەگەرد کەشوهەوای چەوڕیکردن و ئاسوودەیی لەلای هات و چگنەیل.

   لە رووژەیل گوزەشتە، مەرز زورباتیە وەشیوەیگ وەختانە بەسیا، جویر ریکاریگ مقیەتبوین لەوەر رەوشەیل ئەمنی، کە بویە مدوو وسیان جموجویل هامشوو ناوەین عراق و ئیران لەی مەرز گرنگە.

مەرز زورباتیە یەکیگە لە گرنگترین مەرزەیل هشکایی لە پارێزگای واست، و هەمیشە جموجویل فرەیگ وەخوەی دوینێد، وەتایبەت لەلایەن زیارەتکەرەیل ئیران وەرەو مەزارەیل ئاینی لە نەجەف و کەربەلا و ئەو پارێزگایەیل عراق.