ئاسایش عراق دەسوەبان هەزاران حەپ هووشبەر نەێد لە ئەنبار
شەفەق نيوز/ دەزگای ئاسایش نیشتمانی عراق، ئمڕوو چوارشەممە، دەسناین وەبان زیاتر لە 30 دەنگە حەپ هووشبەر وە دوو ئۆپراسیۆن لە ئەنبار راگەیان.
دەزگاگە لە بەیاننامەیگ رەسیە ئاژانس شەفەق نیوز وت: مەفرەزەیل دەزگای ئاسایش نیشتمانی دوو ئۆپراسیۆن جویرەیی لە پارێزگای ئەنبار جیوەجی کردن، رەسینە دەسناین وەبان بڕەیل کەورەیگ لە مادەیل هووشبەری، و دەسگیرکردن بڕیگ توومەتبار.
وتیش: دەزگاگە لە یەکەم ئۆپراسیۆن توانست رخدارترین بازرگانەیل هووشبەری دەسگیر بکەێد کە ئەرا دادگا داوا کریاس، کە تیمیگ هاوبەش لە دوو فەوج تەکتیکی لە بەغداد و ئەنبار دروس بوی، و لە قەزای رەمادی کوڵە لە توومەتبارەگە گریا، کە زیاتر لە 3 حەپ کیپتاگۆن و بڕ فرەیگ لە مادەی کریستال هووشبەر وەپیەو کریا.
وتیش: دەزگاگە ئۆپراسیۆنیگ دویەم جیوەجی کرد، ئامار دەرمانیگ کردە ئامانج کارەیلیگ نائاسایی کەێد، کە وە هاوکاری وەرد وەزارەت تەندروسی و سەندیکای دەرمانسازەیل دەسوەبان زیاتر لە 30 حەپ هووشبەر قاچاخکریای، و2500 دەرزی ترامال کە ری وەپی نەیریاس.
دیاری کرد کە گشت توومەتبارەیل وەرد چشتەیلیان هەواڵەی لایەنەیل دادوەری میل تا ریکارەیل یاسایی جیوەجی بکریەن.
