ئازادکردن بلۆگەر عراقی "هەمسە ماجید"

شەفەق نیوز ـ بەغداد

دەسڵاتدارەیل دڵدگای عراقی، ئمڕوو چوارشەممە، ئازادکردن بلۆگەر "هەمسە ماجید" راگەیانن لە دویای وەسەر بردن ماوەی زیاتر لە سێ مانگ لە زیندان.

سەرچەوەگە وە ئاژانس شەفەق نیوز وت، زیندانژنەسل لە ناوچەی بەلەدیات لە بەغدای پایتەخت "هەمسە ماجید" ئازادکرد لەدویای پاشگەزبوین سکاڵاکەر لە ماف خوەی لە نوای دادوەر.

دادگای عراق لە مانگ نیسان وەرین ماوەی چوار مانگ زیندانیکردن ئرا بلۆگەر "هەمسە ماجید" دەرکرد وە توومەت ناوزڕانن".

بلۆگەر "هەمسە ماجید" لە مژار راگەیانن کارکەێد شمارەیگ بەرنامە لە کەناڵە ناوخوەییەیل پیشکەشکردیە، دویایی رویکردیەس ئەرا کار نواندن و رۆل دی لە فلیم عراقی  "بحيرة الوجع"  وە پاڵەوانیەتی هونەرمەن جەلال کامل وەرد دەرکەفتنی لە بڕیگ گورانی و هەمیش کار رێکلام ئەرا بڕیگ لە لۆگۆ بازرگانیەیل کردیە.