پەیاکردن تەرم 9 تیرۆرست لە ئەنجام گورزەیل ئاسمانی عراقی لە کویەیل حەمرین.. وینە و ڤیدیۆ

شەفەق نیوز/ فەرماندەیی ئۆپراسیۆنەیل هاوبەش، ئمڕوو چوارشەممە، خەوەردا لە پەیاکردن تەرم 8 تیرۆرست کە لە ئەنجام گورزەیل فڕۆکەیل جەنگی عراقی کوشیانە لە زنجیرە کویەیل حەمرین لە پارێزگای کەرکوک.

لە بەیاننامەیگ وت: هیزیگ ئەمنی هاوبەش وەگەرد هیزەیل تایبەت لە سوپای عراق، وەگەرد مەفرەزەیل هەواڵگری کەرکوک، و رەنج ئەندازیاریی فیرقەی 11 لە کەرت فەرماندەیی ئۆپراسیۆنەیل کەرکوک، وە پاڵپشتیکردن ئەمنی ز ئاسمانی وەلایەن هاوپەیمانی، لە رەسین ئەرا شوین پەلامارەگە، و هیزەگە تەرم 8 تیرۆرست پەیا کرد.

بەیاننامەگە وتیش: وەگورەی زانیاریەیل، لەناو ئەو کوشیاگەیلە ئەندامەیلیگ سەرکردایەتی گرنگ لە داعش هاناویان، و لە وەختیگ هاتگ دویای وەشکین (DNA) ناویان ئاشکرا کریەێد.