3441 زندانی وەپای یاسای وەخشین گشتی زندانەیل عراق وەجی هیلن
شەفەق نیوز/ وەزارەت داد عراقی، ئمڕوو سێشەممە، راگەیان 3441 زیندانی لە بەشە جیاوازەیل چاکسازی سەر وە فەرمانگەی چاکسازی لە سەرەتای جیوەجیکردن یاسای وەخشین گشتی تا 19 ئایار/ 2025 زیندانەیل وەجی هیشتنە.
وەڕێوەبەر گشتی فەرمانگەی چاکسازی، ماجد مەنزور لە بەیاننامەیگ رەسیە ئاژانس شەفەق نیوز ئاشکرایکرد، "شمارەگە لە چوارچمگ وەرداوامی جیوەجیکردن یاساگە تێد کە فەرمانگەگە پابەندیە ئەرا جیوەجیکردن یاسای وەخشین گشتی وە گشت دویزو و رووشنییگ، وە هەماهەنگی وەرد دەزگایەیل دادوەری تایوەت".
دیاریکرد، "تیمەیل کارکردن ناو فەرمانگەگە کارکەن لەبان زویکردن لە دویزەوبوین دۆسیەیل زیندانیەیل ئەرا مسۆگەرکردن ئەو کەسەیلە شایەن وەخشین گشتین وەپای مەرجەیل یاسایی" دووپاتکرد "وەزارەت داد پابەندە وە جیوەجیکردن یاسا وە گیانیگ وەرپرسانە و دادپەروەرانە".
ئەنجومەن دادگای باڵا لە 13 ئایار ئازادکردن 19 هەزار زیندانی راگەیان لە چوارچمگ "وەخشین گشتی" و دووپاتکرد بڕە پویل گەپیگ ئەرا عراق گلەوخوەد.
