کوشیان و بیسەروشوینی لە رمیان کانیگ لە ئیران
2024-06-16T12:29:06+00:00
شەفەق نیوز/ کانیگ لە شار شازەند لە پارێزگای مەرکەزی ناوڕاس ئیران، ئمڕوو یەکشەممە، کەفتە وەر رمیان، کە بویە هوکار مردن چوار کراکار لەلای کەمەو و بیسەروشوینی ئەوەکان.
ئازانس خەوەرە زویەیل وت: کارەیل مینەکردن و رزگارکردن وەردەوامە ئەرا پەیاکردن ئەو کراکارەیل بیسەروشوینە، و لە وەختیگ ئایندە راپۆرتیگ کۆتایی لەباوەت رویداوەگە دەرچوود.
بەهروز ئیران نجاد سەرۆک بەش فریاکەفتن لە پارێزگاگە وت: دوو تیم پزشکی فریاکەفتن ئەرا شوین رویداوەگە کلکریا، و فریاکەفتن ئاسمانی ئامادەس ئەرا رزگارکردن.
پارێزگای مەرکەزی لە ئیران شوین بڕیگ کانیە، و شار شازەند شوبنیگە ئەرا یەکیگ لە کانەیل سەرەکی کانزا لە وڵاتەگە.
