واران تاوسانی و گەردەلویل تووز سعودیە گرێدە وەر
شەفەق نیوز/ ریاز پایتەخت سعودیە، لە دویەکە یەکشەممەو، واران تاوسانییگ میژووی رفتیگ وەخوەی دوینێد، ک لەبان پارێزگا و شارەیل باکوور وەڵاتەگە وارێد.
ناوەند رەوانگەی نیشتمانی چەن هووشدارییگ لە باوەت پیشبینی کەشوهەوای ریاز و عەسیر و جازان و باحە و مەدینەی منەوەرە دەرکرد.
رەوانگەگە دیاری کرد ک شار ریاز خوەڵوتوز لەناوی هەڵسێت و واران وگرموهڕ وەگەرد گورجی وا، و داوەزین لە ئاست نووڕین ئاسۆیی.
وتیش: ناوچەی مەدینەی منوەرە هەوای گورج و ئەور وبەڵاچە وەخوەی دوینێد وەگەرد داوەزین ئاست نووڕین ئاسۆیی.
ناوەندەگە وتیش: ناوچەی جازان خوەڵوتوز و واران و بەڵاچە وەگەرد گورجی واگە و داوەزین ئاست نووڕین وەخوەی دوینێد، وەگەرد واران وتەگر ولافاو.
وەگەرد ئەوەیش، ناوچەی عەسیر خوەڵوتوز واران و بەڵاچە وەگەرد گورجی واگە، و داوەزین ئاست نووڕین، و وەگەرد واران ناوڕاسی تا رفتیگ، وەگەرد توفر ولافاو،
واران رفتیگ لە پارێزگای سادق و شارەیل حسی وسدوس وروەیزە وئەشیقر و داهنە وارێد، و لافاوی لەناو دووڵەیل کەفتە ری.
