وەفروارین ١٣ کاروان لە فڕۆکەخانەیل مۆسکۆ پویچەڵ کەید و پەنجایش دیر خەێد
2022-12-18T10:26:06+00:00
شەفەق نیوز/ وەفروارین بویە هوکار پویچەڵکردن ١٣ کاروان ئاسمانی، و دیرکەفتن ٥٠ کاروان لە فڕۆکەخانەیل فنوکۆفۆ، و دومزدیدۆفۆ، و شیریمیتیفۆی رووسیا.
وەگورەی خشتەی مەوقەی کاروانەیل، لە ساعەت 8:29 وە وەخت مۆسکۆ، ٩ کاروان لە فڕۆکەخانەی فنوکۆفۆ پویچەڵ کریا، و ٢٠ کاروانتر خریا دویا، و لە فڕۆکەخانەی دومودیدۆفۆ، دوو کاروان پویچەڵ کریا، و ٢٢ کاروان خریا دویا، و لە فڕۆکەخانەی شیریمیتیفۆ دوو کاروان پویچەڵ کریا، و ٨ کاروان خریا دویا.
وەرپرسەیل رووانگەی کەشوهەوا لە بنکەی فۆبۆس وتن: مۆسکۆ و ناوچەیل دەورگردی ٥٠٪ لە وەفر یەک مانگ وە یەک رووژ لەناویان واریە.
وتیش: وەفروارین لە مۆسکۆی پایتەخت ئەوەسا ٢٠ میلیمەتر لە یەخەگە زیای کەێد، و شایەت ئمڕوو یەکشەممە، شمارەی پەیمانەیی بشکنێد.
