زەویلەرزەی نوویگ دەێد لە ناوڕاس تورکیا و ئامار قوربانیەیلی وەگەرد سوریا بەرزەو بوود

ناوەندەگە وت: زەویلەرزەگە تەنیا وەقویلی دوو کێلومەتر بوی.

ئی زەویلەرزەی نووە دویای یەک رووژ لە زەویلەرزەی تونیگ وە تونی ٧.٨  پلەی لەبان پەیامانەی ریختەر تیەێد ک داگە تورکیا و سوریا.

وەگورەی زانایل زەویلەرزە، لەرزەگەی رووژ دووشەممە، هاتێ یەکیگ لە فرەترین مەرگبار بوود لەماوەی دە ساڵ گوزەشتە، ک زەنگیگ وە درویژی ١٠٠ کێلومەتر خستە ناوبەین پارچەی ئەنادۆڵ و پارچەی عەرەب.

ئامار گشتی شمارەی کوشیاگەیل دوو وڵاتەگە رەسیە زیاتر لە ٤.٣٠٠ کەس، دویای ئەو لەرزەیل سەختە لەنزیک سنوور تورکیا و سوریا ک بەرزتریان رەسیە ٧.٨ پلە.