ئیران لە پشت خوەینیشاندانەیل دویەم سزای لە سێدارەداین جیوەجیکرد
2022-12-12T06:57:46+00:00
شەفەق نیوز/ ماڵپەڕ " میزان ئۆنلاین" سەر وە دەسڵات داد ئیرانی، ئمڕوو دووشەممە، خەوەردا دەسڵاتدارەیل دویەم پرۆسەی لە سێدارەداین جیوەجیکردن وەبان ک پەیوەنی وە جویلەیل خوەینیشاندانەیل وڵاتەگە دیرێد ک ماوەی سێ مانگە وەردەوامە.
ماڵپەڕەگە وت: مەجید رەزا رەهنەوەرد لە شار مەشهەد لە سێدارە دریا وەبان کوشتن دوو ئەندام لە هیزەیل ئەمنی.
لە رووژ پەنجشەممە 8 کانوون یەکەم، دەسڵاتدارەیل ئیرانی پیاویگ لە سێدارە دان، ک تاوانبارکریا وە زەخمدارکردن ئەندامیگ لە هیزەیل بەسیج، وەپای دەزگای فەرمی راگەیانن یەکەم لە سێدارەدان بوی ک پەیوەنی وە خوینیشاندانەیل ماوەی ئی سێ مانگەی کۆمار ئیران بیاشتوود
وەپای ئاژانس خەوەری "ئیرنا"ی ئیرانی، هەنای، " موحسن شکاری ئەو ئاژاوەگیریە لە جادەی سەتارخان لە تەهران رویداوێد لە 25 سپتەمبەر وە چەقوو لەشان چەپ بەسیجییگ دایە، و رووژ پەنجشەممە لە پایتەخت ئیران لە سێدارە دریا.
