ئیران فەرمان "کلگ بڕین" جیوەجی کەێد و نەتەوە یەکگرتگەیل داوای وساننی کەێد

شەفەق نیوز/ نەتەوە یەکگرتگەیل داوا لە ئیران کرد واز بارێد لە جیوەجیکردن فەرمانەیل کلگ بڕین لەبان هەیشت پیاو لەبان تاوان دزی، وداوای پویچەڵکردن گشت سزایل ئاینی کرد. 

رافینا شامداسانی خانمە قسەکەر کۆمسیۆن نەتەوە یەکگرتگەیل ئەرا ماف مرۆڤ وت: هەفت پیاو ئیسە هانە زیندان گەورەی تەهران، وکەس هەیشتەم وەناو هانی روستەمی شوینی نادیارە، مەزەنە هەس گشتیان ئەرا زیندان ئیڤین لە تەهران بوریەن، ک راپۆرتەیل باس داناین کلگبڕیگ وەی دویاییە کەن، وئویشن لە ٣١ ئایار کلگ کەسیگ وەپی بڕینە.  

شامداسانی وتیش: فەرمان وە بڕین چوار کلگی لە دەس راسی دریا، ک تەنیا قەپاڵی وکلگ سپیەکوژەی مەنیەسەو. 

وداوا لە تەهران کرد وەشیوەی زوییگ دووارو بنووڕێدە سزایل تاوانیی، و گشت شیوەیل سزایل ئاینی پویچەڵ بکەێد.