ئۆکرانیا توومەت رووسیا وە دزیکردن ئەو ئاسنە کەێد ک ئەرا عراق ئامادە کریاگە

 شەفەق نیوز/ ئۆکرانیا، ئمڕوو چوارشەممە، توومەت رووسیا کرد وە دزیکردن ئەو ئاسنە ک ئەرا هەناردەی عراق و چەن دەوڵتەیگ ئامادە کریایە.  

کۆمپانیای Metinvest Group ئۆکرانی ئەرا پیشەسازی پۆڵا وت: زیاتر لە ٢٣٤٠٠٠ تەن ئاسن لەلایەن کارخانەیل ئیکیتش و ئازوفستال لە ماريوبول بوی، هەنای داگیرکردن رووسیا دەسوەپی کرد، ولایەن رووسیا دزیایە.  

کۆمپانیاگە وتیش: ئەو ئاسنە ئامادە کریایوێد تا ئەرا ئیسپانیا و ئیتاڵیا و بەلجیکا و یۆنان و پورتوگال وتورکیا وعراق ومیسر هەناردە بکریەێد.  

کۆمپانیاگە تەمەی بسینەیل ئاسن جەهانی کرد لە بەرهەم ئەو دوو کارخانە لە ئۆکرانیا نەسینن، وتیش: بڕەیل فرەیگ لە پوڵا لەو کارخانەیلە لەلایەن هیزەیل رووسیا لە بەندەر ماريوبول دزیایە.