حکومەت پاکستان داوا لە هاوڵاتیەیل کەێد کەمتر چای بنووشن لەوەر قەیران
2022-06-17T12:31:06+00:00
شەفەق نیوز/ لە هەواڵیگ لە ماڵپەڕی "بی بی سی" هاتیە، حکومەت پاکستان داوا لە هاوڵاتیەیل وڵاتەگەی کردیە چای نووشین رووژانە کەم بکەنەو ئەرا 1 تا 2 کوپ لە رووژیگ، یەیش ئەرا رویوەروی بوین قەیران ئابووری، لەوەر ئەوەگ یەدەگ نەختینەی پویل پاکستان تەنیا بەش هاوردەکردن دوو مانگ کەێد، پارەکە وە نرخ 600 میلیۆن دۆلار چای هاوردەی وڵاتەگە کریایە.
پاکستان یەکیگە لەو وڵاتەیلە فرەترین هاوردەی چای کەێد ئەرا ناو وڵاتەگەی و خواست فرەیگ لەبان بەرهەم چای هەس و نەریت چای نووشین لەو وڵاتە نەریت فرە باویگە، وەجویریگ هەر هاوڵاتیگ رووژانە فرەتر لە سێ کوپ چای نووشێد.
یەدەگ نەختینەی پویل پاکستان لە مانگ شوباتەو تا مانگ حوزەیران شەش ملیار دۆلار کەم کردیە و وەی جویرە وەردەوام بوود، پاکستان تەنیا توەنێد ئەرا دوو مانگتر کەلوپەل هاوردە بکەێد.
