سێ پارچەی شعر
ت° کاسەو کۊزه‌گه‌د جه‌م که، بچوو دی!
وه بێ ئاری سه‌رد خه‌م که، بچـــــوو دی!
تـــــ° که‌ێ خه‌ێرد ڕه‌سێده که‌س درووزن!
نیه‌توام خه‌ێرد،
شه‌ڕد که‌م که،
بچوو دی..!
"ئه‌قاقی "
م° کـاسەو کۊزەگم جم کردم‌و چێــــم
وه قەوڵ° ت° شەڕم کەم کردم‌و چێم
ئڕا هەر بت سەرم م° خەم نکردم
ئڕا ت° بێ وەفا خەم کردم‌و چێم...
همایون رحیمیان
م° لە زنگانی چۆە تواسم؟!
بێجگە خاکێ ک° بنیشمە ناوێ‌و
براورد دڵتەنڰی ئێوارگان بگرم؟
م° زانسم
هەر خۆەرئاوا، ڕووژێگە ک° مرێدو
لە کیسم چوود
جوور چگن باوگم
وەختێ ک° داڵگم گوونایل° خۆەێ ڕنی‌و
م° یەتیم بۊم
م° لە پرسەێ ڕووژەیل° جوانمەرگەو تیەم
ڕووژەیلێ ک° لە سۊک ئاسووەو
دەسێ ئڕامان تەکان دان‌و خەێوا بۊن
هۊچگە چەنە م° دەسەزرانی نەنیشتگە
هۊچگە چەنە م° خوەێ نەکۆشتگە
هــــــۊچگە
هــــــــــۊچگە
هــــــــــۊچگە...
ئەێ زنگانی تیەڵ!
زنگانی تِن!
م° هیچ وەخت وە تنا نەڕەسیم!
وە خەمەیلم لە خەوەیلم گۆم نەۊن
هەر یە مەنگە
منەت° ژیان بنەیدە سەرم
ئایەت نامداری
