چوین مقیەتی بکرێد لە هاوسەنگی غودە دەرەقی

شەفەق نیوز/ غودەی دەرەقیوە مدوو کەمەوبوین بەرهەمهاوردن هۆرمۆن غودەس، کە  لە ٪١٥ی ژنەیل وە دەس  ئێ گرفتە تەندروستییە ناڵن.

دکتۆر موکێش باترا لە دیداریگ وەرد  " HT Lifestyle" تیشک خستیەسە بان  گرنگی خوەراک لە خاسترکردن تەندروسی و راگەیاندیە "  پێویستە لە گرنگی پەیڕەوکردن خوەراک دروس بڕەسین کە خاسترین ماددە خوەراکییە پێویستەیل بگرێدەخوەی  ئەرا پشتگیریکردن کارکردن تەندروستانەی غودەی دەرەقی و پاراستن هاوسەنگی هۆرمۆنەیل".

وەیجویرە:

١. یۆد:

هەوەجەس ئەرا بەرهەمهاوردن هۆرمۆن غودەی دەرەقی و توەنرێد وەشیوەیگ سروشتی لەری خواردن دەریایەیل و نمەک یۆدکریاگ وەدەسباد.

٣. سیلینیۆم:

مادەی خوەراکی وە هێزیگە کە ئاڵشتکردن هۆرمۆنەیل ئاسان کەێد  و ڕژێن غودەی دەرەقی لە فشار ئۆکسجین دویرەوکەێد، وە ڕێژەی کەم لە گەنم و چنجگ و برنج و نیسک هەس، هەمیش سیلینیۆم دەسمیەتیدەرە لە پرۆسەی ئاڵشتکردن هۆرمۆن ناچالاک غودەی دەرەقی (T4) ئەرا دۆخ چالاکەگەی (T3).

٤. زینک:

زینک توخمیگ گرنگە کە بەشدارە لە بەرهەمهێنان هۆرمۆن و جواوداین بەرگیری ، گردەکان و دانەوێڵەی تەواو تەنیا چەن سەرچاوەیگ خوەراکین توەنن ریگیری لە کەمی زینک بکەن.

٥.ئاسن:

گرنگ ئەرا بەرهەمهاوردن  هۆرمۆنەیل غودەی دەرەقی، توەنرێد لە ری خواردن سەوزە و نیسک و گوشت وەدەسیبارین.

٦. ڤیتامین D

ڤیتامین D لە ری  خۆر دەسکەفێ، دەرچگە کە بەرگیری لەش قایمەوکەێد مقیەتی لە کارکردن غودەی دەرەقی کەێد وە تایبەت لە بیماریەیل زەرگیری خودکارەیل.