مار
کوڵە چیرووک
ئۊشن لە دەور نایر، شاێ هەوشار، پیاگێ ژنێ داشت کە دەمێ منسە شوون تووز ڕیەن لە وەرز پاییز، هڵاێە پیاگە لێوە کردۊد. کاشێ وە جییگ ڕەسی، پیاێ چێ لە ناوڕاس دووڵ گەوراییگ، چاڵێ کەنی و هاتەو ئڕا ماڵ. وەت: ژنەگە، وایەی فرەیگە دوانێ وە سەیران نەچیمە، بەو ئڕا خوەمان بچیمە سەیران و گوڵگەشت. دوانی کەفتنە ڕیا و لە ناو ڕاست دووڵ، پیای پوقمل ژن دا و خسەێ چاڵاو...
لە شوون ماوەی هەفتەیگ پیاێ وەت بچمە بان چاڵەگە، بزانم دەنگ ژنە تێ یا نە؟
لەیرە دێ دەنگ فیشکەی مارێ تێ و نرکنێ و ناڵنێ و ئۊشێ هەرکەس لە دەس ئێ ژنە رزگارم بکەی، لە ماڵ دنیا هەرچێ بتواێ دەمە پێ...
پیای تەناف خس و مار نجات دا.
مار وەت: هەێ ڕوو لە دەست ژنەت؟
ئێکەش وەت: م لە خوەم چێشتێ نەیرم، چم خوەم پیچنمە دەور مل دۊت پاتشایا، ئمجا، ئڕا ڕزگار کردن دۊتە، پاتشا گوهەر بەخشێ کەی جور سەنگ بایر. هەر لوایشە پێش هات و مار خوەی ڕەسانە دەور مل دۊەت پاتشایا.
هەر حەکیم و زاناێێگ هات، دۊەت رزگار نەکرد. کاشی وە جییگ ڕەسی، پیای ژن لە چاڵاوخەر، خوەی ڕەسانە ئەرگ پاتشا و دۊەت رزگار کرد و هزار دەرهەم سەن و وە خوەشڵە خوەشی چی ئڕا ماڵ.
مار لەی شارە چی و لە وڵات تر، خوەی خسە دەور مل دۊەت پاتشیاێ ترا...
چاو کەفتۊد کە کابراێێگ لوا هەس کە مار وە دەسێ زەیف و زەبوونە و توانێ ئەو دۊەتە رزگار بکەی...
کل کریەیدە شوون کابرا...
کابرا دەس بەی ئڕا مار، مار ئۊشی باوگت خاس، داڵگت خاس بەو بچوە ڕییەو، من و ت دی بەین و بەسێ نەیریم، ئلان ژارئالوت کەم تا گیانت دەرچوو.
پیای ئۊشی خودازانێ، ئەگەر وڵ مل مناڵەگە نەکەی، ئلان چم و ژنەم لە ناو چاڵاوەگە دەر تیەرم و چڕمەی تا گیانت بسێنێ...
مار تا ناو ژن ژنەوێ، چمان کڵاف بەن دامڵکی و شووڕا بوودو و خوەی لە دەور مل دۊەت پاتشا واز کەی..
فەرهاد عزەتی زادە
مەتەڵێ لە ویەردە
