شەمشیرەگەی ناپلیۆن لە زیایکردنیگ ئاشکرا فرووشیەێد
شەفەق نیوز/ بڕیارە لە مانگ ئایار ئایندە لە زیایکردنیگ شەمشیرەگەی ناپلیۆن بفرووشیەێد کە تا ئەومەوقەی لە دەسەڵات بوی وەدەسیەوبویە.
وەپای خەوەریگ "عهرهبیه" بڵاویکردیە خانهیل "جیكیلۆ" ئەرا زیایکردن لە پاریس، نرخ شەمشیرەگەی ناپلیۆن وە یەک ملیۆن یۆرۆ مەزەنەکردنە، هەمیش خانهی "ئۆتیل دروو" كه شەمشیرهگه ئەرا فرووشتن نمایش کەێد راگەیاندیە نرخەگەی لە ب700 تا یەک ملیۆن یۆرۆ بوود.
خانهی "ئۆتیل دروو" له بەیاننامەیگ بڵاویکردیە راگەیان، "بۆناپۆرت" ئهو وەختە كونسوڵ یهكهم بویه، داوا له نیكۆڵا نوێل پوتیه كردیه شەمشیرهگە ئەرای دروس بکەێد لەساڵ 1802 و 1803، نیكۆڵا وهڕێوهبهر كارگهی فرسای بویه و وە خاسترین دروسکەر چهك له سهردهم خوەی هەشمارکرێد.
دیاریکریاس، لەدویای دروسکردن شەمشیرەگە تا ناپلیۆن بویەسە ئیمپراتۆر و تا له دهسهڵات مەنییە، ئهو چهگە وەدەسیەوبویەدویایی کردیەێ دیاری ئەرا ئیمانۆیل دوو گروشی كه یهكیگ له كهسه دڵسۆزهگانی بویه و پۆست مارشاڵ ئیمپراتۆری داشتیە.
