ئەسارەی گڕدار ئاسمان رووشنەو کەێد.. رویداویگ کە هەر 80 ساڵ جاریگ بوود

شەفەق نیوز/ زانیایەیل فەلەک و فەلەکدووسەیل چەوەڕی دیاردەیگ فەلەکی ناوازە کەن، وەگەرد نزیکەوبوین ئەسارەی "تي کۆڕۆنا بورياليس"، کە وە "ئەسارەی گڕدار"، ناسیاس لە هەڵپووقیان ئەتۆمی گەرمی کە شایەت ئاسمان تا ماوەی کوڵیگ رووشنەو بکەێد.

ئەو ئەسارە کە هەر دووارە تەقێدەو، کەفێدە دویری نزیکەی 3000 ساڵ رووشنایی، مەزەنە بوی لە ناوەین نیسان و ئەیلوول 2024 بتەقیادەو، وەلێ دیارنەوین تەقینەوەگە لە وەرز زمسان ئەرا فەلەکناسەیل مزگانی خاسیگە.

  وەگەرد گلەوخواردن بڕە ئەسارەی "تاجەگوڵین باکووری" ئەرا ئاسمان دویای خوەرئاوابوین، وەی نزیکە توانای نووڕستن ئەو ئەسارە هەس هەناێ وەناکاوەو پرشنگ دەێد، و مەزەنە کریەێد لەی مانگ ئادارە دویای سێ ساعەت لە ئاوابوین خوەر بکەفێدە دی، کە دەرفەتیگ تەڵایی وە فەلەکدووسەیل پیشکەش کەێد.

 ئەو ئەسارەی گڕدارە، لەناوەین دوو ئەسارەی فرە پڕشنگدار دیار دەێد لە ئاسمان: "Vega" لە باکوور خوەرهەڵات، و "Arcturus" لە خوەرهەڵات،