چیرووک خوەرشید و وا

رووژێگ وا وەتە خوەر :

م لە تو زووردارترم.

خوەر وەت :

چۊ ؟

وا وەت ئەو ڕیشچەرمێیە دۊنی لەورە وساس ک کوترێ ها وەرێ ؟

خوەر وەت بەڵێ دۊنمەێ.

وا وەت : مەرج کەم م وەرجەێ تو کوترێ لە وەرێ درارم. خوەر خوەێ وە پشت ئەور شاردا

وایش دەسکردە گەردەچۊچان و گیژگەرداو سەختێ.

هەرچێ وا فرەتر زوور هاوردیاد ڕیشچەرمێ کوترەێ قایم ترەک جەڕانیادەێ خوەیا تا وا لە وەرێ نەکەنێدەێ.

 ئاخرێ وا وسارا و مل چەمان و وەت هۊچە وەرم نەچی. ئیکە خوەر لە پشت ئەور هەڵات و نەرمە نەرم وە ڕیشچەرمێ خەنی فرە وەپێ نەچی ک ڕیشچەرمێ لە وەیشت گەرما تێوەڵێ ئەرەق لە لێ تک تک داچووڕیاو کوترە لە وەر کەنی.

لەی وەختە خوەر وەتە وا :

دووسی و مێرەبانی گەوراتر و زووردارتر لە خەێز و ناچارییە.

وە ناو ڕێڕەوەن ژیاین گەرمای مێرەبانی و بزگەخەنە لە تووفان خەێز و شەڕ درستر و خاسترە ..